| 業界無數好評、全省廠房拆除、裝潢拆除 舊屋翻修等工程服務，報價透明，效率快。 |  | 系統家具櫥櫃設計製作專家，舉凡客廳 書房、臥室等皆可適用，歡迎洽詢 |
| 業界無數好評、全省廠房拆除、裝潢拆除 舊屋翻修等工程服務，報價透明，效率快。 | | 系統家具櫥櫃設計製作專家，舉凡客廳 書房、臥室等皆可適用，歡迎洽詢 |
裝修 300萬變 500萬 王祖藍新婚爛屋五大奇景 |
| 房東：阿凱 發表時間：2015-12-14 |
裝修 300萬變 500萬 王祖藍新婚爛屋五大奇景
今年情人節準備同李亞男拉埋天窗的王祖藍，豪使千三萬，買下連花園的四千呎大埔雅景花園作新婚愛巢，再掟三百多萬豪裝冧老婆，點知所託非人，花十五個月施工，裝修費嚴重超支七成至五百萬埋單。 損失金錢，更重創是王祖藍信錯教友設計師，不單被當水魚生劏，一屋馬虎裝修，手工衰過搵大台木工搭建的道具屋，加上設計出問題，入住個多月便出現漏水，搞到水浸奇景，愛巢一鑊泡。 奇景 1 冷氣機安呢度
分體式冷氣安裝在抽油煙機上，業內人士 Winnie稱：「此設計漠視實質問題，機身會因長期油煙侵蝕好快壞。應該收喺假天花入面，或再花心機喺牆身走線放另一邊。」 原先設計圖
落成後 奇景 2 廚房有瀑布
新居入伙唔夠一個月，廚房不銹鋼板因下微雨就滲水，流落電掣位。做足一年的結構防漏工程好馬虎。 奇景 3
電掣大堆頭亂擺，莫非喺設計師眼中叫型格。業內人士 Winnie驚訝：「點解會咁擺，就算一定要咁，都應該用個盒或畫遮一遮。」 奇景 4 帳篷擋唔到雨
設計師以近六萬蚊買下帳篷，事後祖藍發現一大幅根本承托力不足，搞到一落雨篷頂中間兜滿水墜下，要即時收起，帳篷只能做裝飾。 Winnie建議：「其實咁大範圍，係需要用兩三幅支撐，雨水先唔會集中聚喺中間。」 奇景 5
按摩浴缸三邊分別貼住企缸同牆，而浴缸內兩側係傾斜。祖藍一家唔明設計師點解將四個水龍頭安在入口那邊，每次沖涼要人大步過。 信錯教友
情人節迎娶李亞男的王祖藍，花年幾時間裝修，結果嚴重超支七成之餘，愛巢慘成化妝樓，大廳部分木地板已浮起。 早前有報導指王祖藍花三百萬豪裝愛巢期間，因圖則改完又改要求天天新款，搞到嚴重超支，要五百萬埋單之餘，施工期亦延長至十五個月，但王祖藍收樓後卻拒付二百萬差額。 被指拖欠裝修費，忍冇可忍的王祖藍，由任職亞視高層的舅父冼偉智代出頭，展示一批入住只有兩個月的新居相片，相中清楚見到屋內裝修差劣，隨處爛牆爛磚，五百萬換來「化妝樓」貨色。 據知，前年王祖藍在一個教友聚會上認識室內設計師姚俊傑（ Joe），常以戒毒改過自身經歷四處做見證的他，亦打動了王祖藍，在未收集口碑意見，便將千萬愛巢的設計及裝修工程，交對方負責。 王祖藍對 Joe未有加以提防，即使對方要求施工十四個月亦冇異議。王祖藍舅父指當時對方拍心口，稱全屋裝修費一口價三百三十萬，但工程進行途中，卻四度加碼。 四度超支 裝修費不斷加，更倒欠二百萬尾數，冼偉智稱一切與事實不符。 「前年八月開始裝修，佢初時話三百三十萬可以做到好完善，但之後要求加到三百八十萬都仲未夠，再加到四百五十萬跟住五百萬；祖藍話呢個係最後底線，點知埋單竟然係五百六十萬。大家都係基督徒，祖藍好信佢，去到四百五十萬，仲現兜兜咁俾。」 每次王祖藍向設計師 Joe追問超支原因，要求控制成本時，對方的反應也是「唔加錢就做唔到設計效果！」洗濕個頭，唯有焗住俾。 「祖藍想大事化小，發現唔合理都選擇妥協。有人就蝦祖藍對裝修一無所知同信任，買任何嘢都冇俾個辦佢揀就入貨。裝修一年後我先插手幫祖藍跟進，發現其中多張更新清單裡面有好多後加施工，問佢點解就話計漏報漏。嘩！報漏你都要通知一聲，問番個客同唔同意，唔係自己加完先話你知。」 牧師代拆彈
「我要求對數，但次次都對唔成，因為佢根本攞唔出啲實據收費。祖藍同我冇怪班裝修師傅，我哋知道阿 Joe只係俾最後三個月時間班師傅起貨，之前成年只係做重整結構同防漏。但工程交俾佢嗰陣間屋係石屎籠，唔明點解搞咁耐。」冼偉智說。 王祖藍去年十二月入伙，入住後一個月，愛巢多處出現漏水，天花牆身有水漬，花一年時間做的防漏工程形同虛設，此外，分體式冷氣機安裝在抽油煙機上面，牆身凹凸不平、浴缸水龍頭安錯位等，全屋「奇景」！ 唔想再做水魚，王祖藍要求對方清楚交代賬目，但交唔出單據的阿 Joe卻先發制人，收埋王祖藍車房鎖匙，直至知道王祖藍家人報警，他才改用軟功，提出私下和解，王祖藍一度找來對方的牧師居中調停。 「喺牧師面前阿 Joe應承搞清楚條數，但轉頭又唔同曬。」王祖藍唔再上當，決定找公正行介入，討回公道。 祖藍舅父冼偉智直斥對方欺騙祖藍的信任，以貴價做出馬虎裝修。 近年頻頻北上銀的王祖藍，將部分血汗錢放在豪宅裝修，卻換來一殼眼淚。
李亞男嚇爆燈
李亞男的化妝檯，設計師用 24個，每個 5w Led燈（即普通燈 50w）咁光�H白燈膽，結果一開燈刺爆眼，事後又要祖藍執手尾。
零 design 祖藍媽同設計師講鍾意睡房清雅格調，結果清雅就係等如近乎零 design。 新屋多爛 gag
剛收樓時，祖藍妹妹睡房牆紙已甩掉。
花槽整好，不過入面似幅爛地。
假火爐的駁口手工好粗糙，完全唔似豪裝。
入伙兩個月，屋內天花已多處現水漬。
收樓時發現多個電線駁位唔收埋，牆腳髹到咁真係好難收貨。
入住第一日，大門的門檻即爛。
喉位裝到外露，祖藍舅父說：「設計師 Joe話呢個係佢 style，之後我哋堅持要改，佢先加番塊板遮住。」 早有前科
替王祖藍愛巢做工程的設計師 Joe（姚俊傑），過往常以戒毒改邪歸正，發奮到英國苦修室內設計做分享見證，輕易在教友圈子搵食。在他公司網頁簡介上寫有：「設計靈感來自上帝創造萬物，觀察上帝的設計從不馬虎……」 講到天下無敵，其實唔只王祖藍中招，早在二○一二年，阿 Joe亦因工程合約糾纏捲入官司。 行內人分折：三百萬夠找數
室內設計師 Winnie 王祖藍舅父冼偉智稱，設計師阿 Joe將批盪工程每個工序細拆，並以每平方呎計數，搞到每呎工程費好貴。專業室內設計師 Winnie Cheng稱，行內做批盪，一般以一井（十呎×十呎）計算，每井價錢約十八元至二十二元不等。拆開工序並以每呎計屬罕見做法，條數亦會變得「好襟計」。 至於做防漏加結構工程，一般只需三個月時間，她說：「以祖藍四千呎單位，三百幾萬裝修已經可以做到防漏同靚工豪裝。一般設計師只收取設計及監工費用，其餘材料單據需要交出列明作實報實銷。」 |
|
|
平價室內裝潢公司 室內裝潢、木工、泥工、油漆、壁紙、天花板、輕鋼架隔間 簡單殺價網 室內裝潢，找便宜來簡單殺價網就對了，簡簡單單殺價，不用任人宰割，服務價格比一比，省時省荷包 裝潢設計外包網 室內裝潢、裝修接外包，現在有更簡單的方法，可輕鬆找裝潢案件，幫你拓展業務，省時省力省成本 |
| 姓名： | |||
| 佈告內容： | |||
| 其他選項: | |||
|
| |||
